[閒聊]BOSS RV-5

逢節日長假期,通利琴行買乜都有折,
老子當然唔錯過,去執番件心水貨

前日試過BOSS的FZ-5,即係Fuzz拆聲,
呢種音色係幾十年前o個o的Amp的產物,
當時d技術冇咁好,一定會好多嘶嘶沙沙的雜音,
Fuzz就係夾雜左呢D雜音的結他聲,
FZ-5就係為左重拾呢種懷舊Feel而開發,
不過鍾唔鍾意真係見仁見智,
老子就哽唔落佢D聲,原本就睇好佢,
只係就咁樣一試,大失所望

第二日又去試,今次就試BOSS的RV-5,
係以數碼摸擬的Reverb,即回音效果

其實如果大家聽歌,不妨留意下,
有時聽落去係o係好大的地方度唱,
但事實係o係錄音室入面,
呢d就係Reverb效果的作用了

而Reverd本身唔係乜新奇野,
至少閣下咁多位部電腦入面的聽歌播放程式,
都會有得揀音場效果(體育館,演奏廳,etc.)同等化器,
Reverd就係一種音訊的強化效果

記得好耐之前問過幾次,次次都話冇貨,
不外乎係因為好多Amp本身連埋Reverd,
變左就唔係咁多人會特登買呢個野

至於呢個RV-5,一試之下,
真係掂,有料到,至少佢可以令結他d聲好Feel左好多,
仲可以Get到Jeff Beck的那種意境深厚的音色,真係好難得,
就算佢打左折都賣成$1020,但都值回票價啦