查看完整版本: 迷茫之中，請大家給我點意見

迷茫之中，請大家給我點意見

昨天是３０號，我姐姐帶她的小孩黎我家
突然同媽媽吵架，之後我姐姐走了
我有ｄ唔開心，我朋友期間打電話來約我外出啦
我當然好開心，因為可以同大家一齊
今年中五唔知幾時有機會大家可以一齊嘛

行緊商場既時間，有人黎傳福音
我地４個人無聊間所以就跟佢地去睇呀
果度有幾個教友話可以聽到神既聲音
就算唔識你都可以傳神既說話比你
的確幾準，令我有點被看穿的感覺
之後我都唔清楚自己做緊乜．．．
後來朋友分析我聽，唔係咁可信，叫我小心
依家我好迷茫，唔知應該信邊個好
我好想有個心靈上既寄託呢

遇到佢地傳福音係咪一種緣份呀
當時我有種獲救既感覺呀
因為我本身係個唔鐘意表達自己既人
有咩事都會收收埋埋
大家比ｄ意見我呀

是一種緣份，聽聽福音也是好，
但要小心，因為當中可能會有一些不太好混了入去。

或許你可以試試多些和朋友分享，或與我們交流，
在可能的情況下，我們都會盡力去為你提供幫助。

同父母鬧交，最根本的解決方法係平心靜氣攤開件事講自己的睇法，
唔講清楚又點知對方真正的想法？

對於宗教，我的睇法係
信仰確係心靈的寄托之一。
我係個無神論者，唔相信神的存在，
諗深一層，所謂神，不就是心入面收埋收埋最深的自己，
想要自己轉變，想自己更加強悍，
神的聲音不就是自己的心聲麼？
好耐以前曾經嘗試參加過教會集會，
每個人都好似好開心咁做緊一ｄ我認為幾無聊下的活動，
唱下歌，玩下ｇａｍｅ，
雖然如此，都有一剎那時間放開自我去感受身邊人的快樂，
我想我跟樓主一樣，都怯於將自己表現出來吧，
我總愛一個人獨處，感受片刻的寧靜，
卻偏偏矛盾地為某人對自己的關心感動，
不錯，教會的人們都會表現出對他人的關心，
有時卻質疑他們的關心是否出自真心？
如果無法打開心屝又如何與人坦誠相處，
我仍在嘗試，試著信任別人，
如果覺得迷茫，不妨同網友交流一下吧，
在這裡每個人的意見都出自真心的∼
（相信米人會花時間長遍大論說違心的話吧＠＠）
係呢度，你我都不需要收藏自己，
起馬我覺得網友的話比較窩心∼
去教會也不挺不錯的啦，因人而已＠＠
不過丫∼樓主要小心嘍！！
以神的聲音傳教我是感到有點神神化化的
不要誤信壞人哦＠＠

ｐ．ｓ．以上的如有冒犯宗教信仰者多多抱歉喔
　　　　個人觀點罷　矛心針對他人ｑ∼

的而且確有點害怕將自己暴露於人前
想到沒有人諒解自己,幫助自己,真的有點傷心
當遇到自己可以依賴的人,自然想去依靠呢
看來我是自己騙自己呢,始終是想掩失內心的不安及傷痛
3樓的話果然是一言驚醒夢中人呢^^
今後一定要好好為自己努力,令自己可以受到他人的尊重

在以前，之所以有宗教是因為大家都要對某些事物來一個解釋，以及是當時的社會氣侯所形成。至於有沒有神的存在，這點有機會再和大家去探討。
但所謂的教會生活，正如 flysheep 所描述，的確是頗無聊和傻傻的，不過這正好是小組遊戲的精髓。如果有做義工的經驗，曾經帶領過小組的遊戲，又或者是參與便會明白箇中的意義。

無論你有沒有信仰，都請記著你不是一人。
雖然我們最終會塵歸塵，土歸土，但這一刻我們是一個又一個的群體。
即使現在仍然是封閉著自己，但不用急，嘗試多向友人們傾談，漸漸地打開心扉。

對於教會一物，我和 flysheep 有著相近的觀點，就是要保持理性，即使用心去感受，亦要明白對方在說甚麼，才不致受到蒙騙。

請慢慢去尋找那避風港吧。
看啊，雁兒們南飛也不是一朝一日的路程，儲錢買樓也不是一年半載的事情，
順其自然吧。

你的問題，其他人都有，而你已是比較勇敢，一起成長吧。