懷念細路仔時常食o既冰凍甜品

懷念細路仔時常食o既冰凍甜品
1.冰菠蘿
細個果時夏天, 見阿媽同阿爸買菠蘿返o黎係咁切, 原來係要將d菠蘿切片, 放係雪糕櫃雪到結冰賣, 5毫子一塊  (我屋企果時係開士多  )
2.冰木瓜
另外仲有雪橙色果d酸木瓜添. 好似平d, 3毫子, 因為細舊d

3."媽"條
依家好少見到有囉, 細個時有食過可樂味同埋橙汁味, 早期仲要係用紙包裝，次次都要係d檯邊, 尖o既地方啪佢先得, 但係啪完張紙都爛晒, 仲成手都係冰碎  

4.牛奶樂 & 古力樂
早幾年牛x公司都有出迷你牛奶樂,不過最近又失蹤o左 . 至於我最愛o既古力樂簡直蒸發左幾廿年 , 好懷念可愛o既 古力樂
5.阿波羅o既藍戰士、巨星&穿梭機
細時最愛拿住支巨星當咪唱歌 , 穿梭機就要一層層食, 由朱古力脆皮開始食，然後牛奶層, 最後係就快溶o既青檸冰冰 , 藍戰士最難得係藍梅果汁冰,條"月利"同個咀食完好似中劇毒咁  , 而d士多啤梨雪糕香、軟、滑過牛記好多。呢三種有時係d舊式零食店或士多都會搵到(只要你夠運 )
6.紙包裝雪糕磚
又係牛記出品，好似係300ml同500ml包裝, 可惜係無留盒, 因為每次食o既時候都會撕爛晒個盒食  
7.蓮花杯
以前牛記真係好醒, 出好多新奇得意o既野, 呢個範圍好大, 等大家慢慢講  
8.雪山朱古力、雲呢拿、椰子&芒果雪糕三文治
我試過>>><<<介紹澳門果間食過雪糕三文治，只有懷舊感，味道就......

9.藥水味加上色素, 無名而又好受歡迎o既藥水冰條
細路仔口味真係好奇怪，包括我在內  . 呢種藥水味o既冰條都會覺得好味. 外型有d似幼身蓮藕，唔雪到結冰就可以當果汁飲，結o左冰就可以係中間節位扭斷佢，就可以一分為二，如多同學仔都係咁樣夾份食。有紅色(士多啤梨味), 綠色(青蘋果或青檸), 黃色(菠蘿或檸檬) and 橙色(橙味), 而且好重包裝果d臭膠味 . 如果結冰後捏碎佢就變成思樂冰

10.屋村阿婆自製雪糕
雖然自己屋企有雪糕食, 不過食親都俾阿媽鬧，所以大d就自己出去買
好懷念阿婆自製d雪糕,每次佢開檔時, 都係用一個圓筒型, 紅白色有手挽果種保溫箱, 然後坐係張圓形摺"登"度賣雪糕, 一打開蓋就見到好似雪糕屋果d成十升雪糕一樣,但係就溝到7彩,  阿婆就會用個小雪糕羹"畢"比個威化筒俾我地.  (通常阿婆會賣埋扭蛋大菜糕，不過無蛋花 )

11.雀目牌雪糕蛋糕
呢個牌子以前最出名係魚手指，真係幾好味，不過好貴下 . 但係我想講o既係佢出o既雪糕蛋糕，外型似瑞士卷，但係蛋糕裡面有一昨層士多啤梨醬，然後就係佢獨家o既雲呢拿香滑雪糕。當時係得佢一間公司出，後來再出左4件裝朱古力脆皮雪糕蛋糕，都好正! 只係果時一盒雪糕蛋糕係超市要賣成$15.9 (印象係1985加減2年左右), 都貴架, 維他檸檬茶都好似只係$1.3-$1.5, 一碗雲吞麵只係$4-$5. 依家呢個牌子好似銷聲匿跡添

好懷念,而家d小朋友唔食呢d野咯em020

6.紙包裝雪糕磚
又係牛記出品，好似係300ml同500ml包裝, 可惜係無留盒, 因為每次食o既時候都會撕爛晒個盒食  
**************************
這很好吃的說...
小時的記憶..........

除了4, 5, 6之外其他我都還找到啊！
尤其是孖條，
之前去cricle K見到有可樂味

1.冰菠蘿細個果時夏天, 見阿媽同阿爸買菠蘿返o黎係咁切, 原來係要將d菠蘿切片, 放係雪糕櫃雪到結冰賣, 5毫子一塊  (我屋企果時係開士多  )

冰菠蘿係我學校小食部搵到呀~!!$2.5,有好多人買呀!!