1.「同你儲埋d利是錢入銀行」
(最多細路受騙．．．)

2.「生舊叉燒好過生你」
(生到舊叉燒話你好野！)

3.「再喊叫警察叔叔拉你」
(喊都搵警察，告你阻差辦工呀！)

4.「食蔥會聰明 D 架」
(食雞翼又唔見生翼！？)

5.「食唔清 D 飯會娶個豆皮老婆」
(老豆食得好乾淨喎，點解呀媽你．．．)

6.「裝人沖涼會生眼挑針」
(無事喎！)

7.「講大話會甩大牙」（你以家都起到昆我點解你唔甩）
(講左咁多年大話都未試過．．．)

8.「唔好玩橡筋呀，橡筋會吸血架」
(放響水又唔見佢吸水既？)

9.「你再咁曳比丫鴉捉左你」
(丫鴉咩生物？)

10.「你係由石頭爆出黎」
(咁石灘咪好多孤兒？)

[ 本帖最後由 kayi76 於 2008-8-29 07:58 PM 編輯 ]

呢d的確係非常耳熟能詳^^
媽咪成日都會甘講我地D細路~

1.「同你儲埋d利是錢入銀行」
我都被騙了=v=
5,6,8,9佢都無講過!
我剩係係其他人身上聽過

但是食蔥真係會聰明d架啵...看過有段報道講過-.-

no.8未聽過...不過no.1就試過, 慘!!!

但係ar媽講的都係想人好啫, 唔好太串啦-.-(no.1除外)

我都比佢吹到爆左,我日日都係屋企聽到d咁o既野囉

哇~
講d野好串呀......
不過真係有好多細路都俾人咁呃過......
真係慘,,,,,,